“მანჩესტერ სიტის” პარაგვაელი თავდამსხმელი, როკე სანტა კრუსი მიმდინარე სეზონის ბოლომდე “ბლექბერნის” შემადგენლობაში ითამაშებს. “როვერსის” ოფიციალური ვებ-გვერდის ცნობით, შეთანხმება უკვე მიღწეულია როგორც “სიტისთან”, ასევე ფეხბურთელთან.
სანტა კრუსი “ბლექბერნში” 2007-09 წლებში ირიცხებოდა და სწორედ ამ გუნდში კარგი თამაშის შემდეგ, მიიწვიეს იგი “სიტიში”, სადაც ძირითად შემადგენლობაში ფეხის მოკიდება ვერაფრით მოახერხა.
“ბლექბერნში” დაბრუნების შემდეგ, 29 წლის პარაგვაელმა მცირე კომენტარი გააკეთა: “ისეთი შეგრძნება მაქვს, თითქოს სახლში დავბრუნდი. ეს ჩემს ცხოვრებაში, ყველაზე მარტივად მიღებული გადაწყვეტილება იყო”.