მანჩესტერ სიტის” ბოსნიელი ახალწვეული, ედინ ჯეკო ოფიციალურად "გაქალაქელების” შემდეგ პირველ კომენტარს აკეთებს. "ვოლფსბურგის” ყოფილი ბომბარდირის განცხადებით, ინგლისური კლუბი მისთვის მხოლოდ ბევრ ფულს არ ნიშნავს.
"ყველა ამბობს, რომ "სიტის” ბევრი ფული აქვს, მაგრამ საქმე მხოლოდ ამაში არაა. უპირველესად, ამ გუნდს დიდი ამბიციები აქვს. რობერტო მანჩინის ველაპარაკე და მან ერთი ფრაზით გამაკვირვა - "ეს საუკეთსეო კლუბია შენთვის”. "სიტი” პრემიერლიგაში პირველი ადგილისთვის იბრძვის, რაც არის კიდეც ჩემი მიზანი. "სიტის” თამაშებს, აქამდე, ტელევიზორში ვუყურებდი და ვიცი, რომ მიმდინარე სეზონში ეს გუნდი კარგად გამოიყურება. სასიამოვნოა ასეთ ვარსკვლავურ გუნდში მოსვლა. ახლა, როდესაც ყველაფერი დასრულდა, მსურს გულშემატკივრებს ვუჩვენო, თუ რატომ გადაიხადეს ჩემში ასეთი დიდი თანხა. ჩემგან გოლებს ელიან და მზად ვარ მათ გასატანად, მაგრამ ჩემი უპირველესი მიზანია ვიყო წარმატებული გუნდის წევრი.
შეგახსენებთ, რომ ედინ ჯეკოს "სიტიში” 27 მილიონ ფუნტად გადასვლის შესახებ ინფორმაცია დღეს გავრცელდა. მანჩესტერელთა ოფიციალური ვებ-გვერდის ცნობით, ბოსნიელმა თავდამსხმელმა კლუბთან 4.5 წლიანი კონტრაქტი გააფორმა. ჯეკო "სიტიში” 10 ნომრით ითამაშებს.